Arabako irakurketa klub feministen topaketa 2024 - laia

Joan den ekainaren 1ean, Arabako irakurketa klub feministen 12 taldeen 120 irakurle bildu ziren Izarran ikasturte amaierako topaketa egiteko.

Larunbateko hitzordua, Agustin Otsoa Eribeko Landa Gorbeialdeko Kuadrillako presidentearen eta Jone Berriozabal Bóveda Berdintasun, Euskara eta Gobernantza saileko foru diputatuaren ongietorriarekin hasi ziren. Biek irakurketa-kluben sarea balioetsi dute, jabetze feministari eta emakumeen parte-hartze soziopolitikoari laguntzen dioten neurrian, "kontakizun feministak partekatzeko topagune seguruak, hausnarketarako eta eztabaidarako guneak" eskainiz.

Ondoren, Begoña Etayo Ereñak aurkeztu zuen jardunaldiaren egitaraua eta Toti Martínez de Lezea idazle gonbidatuaren hitzaldia topaketaren barne kokatuz. Bere azalpenean, Bego Etayok "La Herbolera" eleberriari buruzko hausnarketarako funtsezko zenbait alderdi azpimarratu. Aurretik klub gehienetan landuta zuten liburua, eta haren bilbea izan zen hitzaldiaren haria. Ekitaldian zehar, Toti Martínez de Lezeak "sorgin-ehiza" ezagunen pean euskal testuinguruan emakumeen aurkako jazarpenei buruz hitz egin zuen. Bertaratutakoen partehartzearekin gai horiei buruzko hausnarketa egin ahal izan zen ikuspegi kritiko feminista baten bidez.

Hitzaldia amaitu ondoren, parte hartzaile guztiek Gorbeialdeko Kuadrillako bertako produktuen dastaketaz gozatu ahal izan zuten. Hainbat klubetako irakurleek elkarrekin hitz egin ahal izan zuten gune lasai eta atsegin baten ondoren, jatorri ekologikoko eta hurbileko elaborazioak biltzen dituen katering menu bat eskaini zen.

Bazkariaren ondoren, irakurketa klubetako kideek omenaldi hunkigarria egin zioten Bego Etayori. Erretiroa dela eta, irakurketa-klubetako koordinatzaile erreferentea izan denaren ibilbide historikoari eta feminismoari egindako ekarpernei balioa eman nahi izan zieten.

Topaketa amaitzeko, dantzaldi polita egin zuten anfitrioiek, eta bertaratutako guztiek bat egin zuten.

Eskerrik asko hurbildu zineten emakume guztiei, hurrengo topaketara arte!

Galdu bazenuen, aukera daukazu hitzaldiaz berriz disfrutatzeko bideoan: