#Laialaudio - Bakardadeak eskola - laia

Elkar topatzeko eta ikasteko gune bat da. Bertan, ongizatearekin eta lan emozionalarekin lotutako saio dinamikoak eta ikastaro laburrak garatzen ditugu. Laudioko udalerriko bakardadeari buruzko isiltasuna hausten dugu, eta egiten ditugun jardueren bidez gai tabuei buruzko eztabaida zabaltzen dugu (zaurgarritasuna, intimitatea, arbuioarekiko eta gauza ezezagunekiko beldurra eta horiei lotutakoak). Izan ere, gai horiek indibidualki hausnartzera ohituta gaude, baina ez ditugu taldean partekatzen. Bakardadearen ideia eraldatzea da gure erronka, haren inguruko estigma negatiboa eraistea eta espazio bat sortzea jendartearentzako ikusezina den sentimendu hau normalizatzeko.