Foru Aldundiak omenaldia egin die kulturaren arloko Arabako hiru emakumeri martxoaren 8ko ekitaldi instituzional batean - laia

Arabako Foru Aldundiak martxoaren 8an egin zuen ekitaldian, hiru laia sariak eman dizkie: bat, Begoña Etayorentzat, Arabako irakurketa feministako kluben koordinatzailearentzat, LAIAren eskutik (Emakumeen Jabekuntzarako eta Berdintasunerako Arabako Sarea); bestea, Pilar López Teatro Paraísoko zuzendariarentzat; eta hirugarrena, Maite Ruiz de Austri idazle, gidoilari eta zinema zuzendariarentzat.

Aurten, Foru Aldundiak lurraldean kultura arloarekin zerikusia duten emakume profesionalak nabarmendu eta ikusarazi nahi izan ditu. Ramiro Gonzálezen ustez, agerikoa da ikusezin bihurtzeak zailtasunak ekarri dituela errekonozimenduan. Hala gertatu da dantzaren, pinturaren, arte eszenikoen edo musikaren arloan garrantzitsuak diren emakume askorekin, emakumea kulturaren protagonista izatetik urrun dagoelako.

Hain zuzen ere, Inma Roiz idazle arabarrak hitzaldi bat eman du, emakumeek kulturan gaur egun duten egoera ezagutarazteko. Bertan, emakumeak ezagutzeak dakarren esperientzia azaldu du, eta, bere ahotsaren bidez, apenas ezagutzen den eta gaur egungo egoera ulertzeko funtsezkoa den Arabako herrien historia helarazi du.

Bego Etayo saridunak berak ere hitzaldi bat eskaini du, Virginia Imaz clownaren interpretazioarekin amaitu den ekitaldian.