BERDINTZEN 2023 bekak (Euskara eta Berdintasuna) - laia

BERDINTZEN 2023 beka-deialdia argitaratu zen 2023ko otsailaren 13an eta zabalik dago eskabideak egiteko epea.

Beka-deialdiren helburua lau beka ematea da, 2023. urtean euskara eta genero berdintasunari buruzko ikerlanak egiteko. Beka bakoitza 7.500 eurokoa izango da.

Ikerketa-gaiak honako hauek izango dira:

• Euskararen biziberritze prozesuak generoari lotuta ulertzeko ikerketa teoriko edo-eta metodologiko demolinguistikoak.
• Generoaren ikuspegia txertatuz eraikitzen diren Euskararen biziberritze prozesuei buruzko ikerketa aplikatuak.
• Generoa eta hizkuntza uztartzen dituzten corpus, komunikazio edo-eta diskurtso azterketak eremu ezberdinetan (hezkuntza, lan mundua, familia, aisialdia eta kirola…).
• Euskararen biziberritzean emakumeek izan duten paperari buruzko ikerketa lanak (ahozko ondarea baliatuz edo-eta ikerketa bibliografikoak eginez).