Martxoak 8 Trebiñun - laia

Udako Iturriak elkarteko emakumeek gaur egun ditugun eskubideen alde borrokatu diren emakume guztiak ohoratu nahi dituzte.

Horretarako, 200 loretik gora ehundu dituzte, eta opari gisa eskaintzen dituzte adinekoen egoitzetan, osasun-zentroetan, autobus-geltokian, okindegian, tabernaren batean eta udal-bulegoetan. Trebiñuko konderriko 10 emakumek egindako loreak dira, emakume desberdinek egindako lore ezberdinak. Udalerriko herrietako emakumeen bilobengana, alabengana, ahizpengana, lagunengana iristea nahi dute.

Datorren martxoaren 8an Trebiñun lehen aldiz elkarretaratzea egitera gonbidatu dute, elkartearen beraren Irakurketa Klub Feministan sortutako ekimena.