Agenda - xehetasuna - laia

“Kulturartekotasun familiak” dinamika sortu dugu, Kultura ezberdinen arteko elkar ezagutza eta laguntza sustatzeko

‘Kulturartekotasun familiak’ ekimenaren bidez, kultura ezberdineko kideen saretzea eta elkarrekintza edota laguntza bultzatu nahi du Bor-bor Aiaraldeko Feminismo Elkarteak. EPA zentroetatik ateratik ideia, Bor-borrek eginiko parte hartze prozesuaren baitan.

Kultura ezberdinetako kideen beharrak entzun, eta ahal dela elkarrekintzaren bidez erantzuteko egitasmoa sortu du Bor-bor Aiaraldeko Feminismo Elkarteak. 2024ko kulturartekotasun proiektuaren baitan kokatzen da proiektua, eta parte hartze prozesu baten ondorio da planteamendua, azaldu dutenez. Hain zuzen, neguan Amurrio eta Laudioko EPA zentroetako etorriberriekin “sentsazioen sareak” deituriko dinamika egin zuten, eta bertatik atera dituzte 2024ko kulturartekotasun proiektuak: “Kulturartekotasun kafeak”, “Munduko Kulturak Aiaraldean jaia” eta “kulturartekotasun familiak”. Funtsean, ekimena sinplea da: “Kultura ezberdinetako norbanako zein familien beharrei erantzuteko sareak dira, komunitate beharrei komunitatetik erantzuteko”. Adibideen artean jarri dituzte ondorengo egoera edo kasu errealak: "eskolako bilerak ulertzeko hizkuntza laguntzailea behar dut"; edo "ospitalera joateko kotxez laguntzea beharko nuke, umeak jasotzera iritsi ahal izateko"; edo "euskaraz eskolako lanetan laguntzeko norbaiten bila nabil"...

Nola hartu parte?

Laguntza eskatu nahi duenak 688625900 zenbakira deitu edo mezua bidali behar du, “zure datuak modu pribatuan jaso eta datu base batean sartuko ditugu: jatorria, hizkuntza edo garraioan laguntzeko gaitasuna, herria…eta laguntza eskaini nahi duienak ere bai. Bor bor elkartetik zurekin harremanetan jarriko gara, laguntza jaso edo eman nahi baduzu; beharra dagoenean mezu bat jasoko duzu, eta laguntzeko prest bazaude pertsona horrekin jarriko zaitugu kontaktuan, zuen artean moldatzeko”.

Ekimenaren sozializaziorako spota eta flyerrak ekoitzi ditu Bor-Bor Aiaraldeko Feminismo Elkarteak, Arabako Foru Aldundiaren kulturartekotasun dirulaguntza deialdiari esker.

📅  Abenduak 18 astezkena

🕕 19:00

📍 BiBat museoa

Estrellas en la noche, 70eko hamarkadaren amaieratik hiri gris honen pentsamoldeak zabaltzen jakin zuen transformista talde bat. Purpurina, lentejuelak eta pikarokeria erabili zituzten, tradizio kasposoetan ainguratutako herritarrei erakusteko generoarekin jolastu zitekeela, gorputz baztertuez eta ukatutako plazerez gozatu zitekeela.

RITMO AMURRIO performance artistiko bat da, eta, besteak beste, kritika, publikoak artistarekin duen harremana eta besteren gorputza aztertzen ditu. Halaber, herriek arte kontzeptualari eta artistei dagokienez duten harremana aztertzen du, baita arauaren gorputzen eta queer gorputzen eta gorputz abytoen arteko lotura ere.

Ez ezazu galdu! Abenduaren 13an, ostirala, 12:00etatik 20:00etara, Casonako erakusketa-aretoan.

Bideoak taldeak azaroaren 25ean Ekoran egingo den ekitaldian (2024ko azaroaren 23an) eta Bilarko Gizarte Etxean egingo den emanaldia sartzen du. Modu berean, herriko toki esanguratsuetan: Sorginaren Trikuharria, ikuztegia, Bilarko kale eta txokoak grabazioak barne harzen ditu. Bideoan Andrés Calamaroren "Brindo por las mujeres" abestiaren grabazioa sartzen da, 2022an Txaro Revueltak bertsionatua (Artziniegako Abesbatza Feminista Tailerra).

Tailerraren informazio gehiago

Beatriz haurdunaldi bideraeziina zeukan Salvadorreko emakume gaixo bat izan zen. Estatuari abortua eskatu zion, bere osasuna eta bizitza bermatzeko. Estatuak ukatu egin zion. Nazioarteko Giza Eskubideen instantzietan prozesu luze baten ondoren, ahal izan zuen haurdunaldi hori eten bai, baina haren osasunak larriki jo zuen.

Justizia eta erreparazio bila hasi zen, hainbat erakundeak lagunduta Giza Eskubideen Gorte Interamerikarreko erakundean. Bere ama Delmyk jarraitu zuen bera hil ondoren. Gaur egun, kasuaren oihartzuna dela eta, eta zer eragin izan dezakeen ikusita, herrialde batean non hainbat eskualdeek erabat zigortzen duten abortua, Delmy presio eta jazarpen handia jasaten ari da. Altxa dezagun gure ahotsa, Delmyri gure babesa adierazteko, bere kausa itxaropena da emakume guztiok gure/haien gorputzen inguruan erabaki ahal izateko. Mugarik Gabetik bat egiten dugu ekintza honekin eta gonbidatzen zaituztegu bideo baten bidez batu zaitezte.

#JusticiaparaBeatriz

#SentenciaJusta
 

Bideo bat igo dezakezue Delmyri babesa erakusteko. Textu labur bat iradokitzen dizuegu.

1. Sarrera: aukerakoa (10 seg)

Beatriz Salvadorreko emakumea izan zen eta Estatuari abortua eskatu zion haien osasuna eta bizitza bermatzeko. Estatuak ukatu egin zion. Bere kausa itxaropena da, emakumeok geure gorputzez erabaki ahal izatea.

• “Gaur, inoiz baino gehiago, gure ahotsak altxatzen ditugu justiziagatik.”
• “Hemendik (jarri zure herrialdea edo/eta antolakuntza), elkartasunez bat egiten dugu Delmy, Beatrizen ama. Alabarentzat justizia bilatzen du etengabe emakume bakar batek ere ez dezala bizi Beatrizek pairatu zuena”.

2. Mezu zentrala (10-15 seg)

• “Delmy, Beatrizentzat justizia lortzeko zure borroka itxaropena da guztiontzat.
• “Beatrizen historiak batzen gaitu, bizitzeko eta erabakitzeko eskubideak batzen gaituelako. guztion eskubidea izan behar du”.

3. Ekintzarako deia (5 seg)

• “Elkarrekin indartsuagoak gara. Exijitzen jarraitzen dugu: justizia Beatrizentzat!”

“Delmyrengatik, Beatrizengatik, guztiengatik: ez bat gutxiago, ez bat gehiago”.

4. Grabatzeko jarraibideak

• Bilatu argi natural ona edo aurrealdeko argiztapena duen leku bat. Grabatu formatu bertikalean (9:16).

-Nahi baduzu, honelako pankarta edo kartel bat eraman dezakezu:

"Epai justua Beatrizentzat".

Beatrizentzako justizia kanpainaren sareak @beatrizvses