Laia - Arabako Berdintasunaren eta Emakumeen Ahalduntzearen aldeko ekimena - laia
Zer da
Laia?
LAIA Arabako Lurralde Sarea da, emakumeen berdintasunerako eta ahalduntzerako. Haren bitartez, bere eskolak, LAIAeskolak, ahalduntze feministako prozesuak bultzatzen ditu, emakumeen partaidetza sozio-politikoa indartzen duten tresnak eta dinamikak eskainiz. Aldi berean, gizarte osoarekin (emakumeak, gizonak eta beste identitate batzuk) lan egiten dugu ikuspegi feministatik eta giza eskubideen ikuspegitik, genero-desberdintasun guztiak ikusaraziz eta jorratuz.
Zure kuadrillan
Ezagutu zure kuadrillari buruzko informazio aipagarri guztia, beti egunean egoteko. Iragazi eremuka eta deskubritu zure eremuko ekitaldi eta artikulu garrantzitsuenak.
Hemen aurkituko duzu LAIAk Arabako kuadrilla guztietan antolatzen dituen tailer, prestakuntza, hitzaldi eta bestelako ekitaldi interesgarrien programazio osoa.
Gune honetan Araban eta kuadrilletan gertatzen denari buruzko albisteak, artikuluak, erreportajeak eta eduki esklusiboa aurkituko dituzu.
‘Maratoia’ 🏃♀️
Ekainaren 6an, 15:15etik 20:00etara, Vitoria-Gasteizen berriz ere egingo da Creativity Is Female Fest 2026.
AVOCADO estudioak bultzatuta eta @diga_elakrtea-k antolatuta, eta aurten ere, arreta benetan garrantzitsua den horretan jarriko du: sormen sektoreko emakumeen talentuan, ibilbideetan eta benetako baldintzetan.
“Maratoia” kontzeptuaren pean, bigarren edizio honek ondo dakigun zerbait gogorarazten digu: emakumeen ibilbide profesionalak ez dira linealak ezta errazak ere. Ibilbide luzeak dira, oztopoz beteta, behartutako geldialdiekin eta erresistentzia handiarekin.
Centro Cultural Montehermoso Kulturgunean elkartzeko, pentsatzeko eta partekatzeko espazio bat izango da, workshop, hitzaldi, zuzeneko podcast eta sormen proiektuen azokaren bidez.
Ikusarazteko jaialdia, baina baita sektore sortzailean oraindik gertatzen dena izendatzeko ere: soldata-arrakala, erreferente faltak eta egiturazko desberdintasunak.
Diseinua, kultura eta sorkuntzan begirada feminista interesatzen bazaizkizu, topaketa hau zuretzat da.
🎟️ Sarrerak dagoeneko eskuragarri daude prezio aurreratuan.
Hizlari eta tailerren informazio gehiago
Arabako Foru Aldundiak, Berdintasunaren eta Giza Eskubideen Zuzendaritzaren bidez eta Lumagorri HATekin batera, uda honetan Ikusguneak 2026 jarriko du abian: LGTBI+fobiaren aurkako kanpaina, Arabako Lurralde Historikoko hainbat udalerritan herritarrak sentsibilizatzeko, informatzeko eta laguntzeko helburuarekin.
Ikusguneak aniztasunaren, identitatearen eta sexu-orientazioaren inguruko informazio eta herritarrentzako arreta-puntuak dira. Horretarako, bulego-furgoneta batek hainbat herrigune zeharkatuko ditu ekainaren 15etik irailaren 15era bitartean, jai- eta aisialdi-guneetan.
Oro har, Arabako herritarren kontzientziazio-mailak gora egin du; hala ere, beharrezkoa izaten jarraitzen du errealitate hori Arabako herrietara hurbiltzea eta lurraldean oraindik gertatzen diren gorroto-delituak salatzea.
Lumagorri Elkarteak egindako lanari esker, LGTBI+fobiaren aurka saretzen hasiak gara Arabako hainbat kuadrillatan. Norbanakoz eta tokiko saltoki, udal, batzar administratibo, jai batzorde eta LGTBIQ+ talde feministekin batera LGTBI+fobiaren aurrean arreta eta salaketa lanean lagundu dezaketen sarea alegia.
Ikusguneak 2026 Arabako kuadrilla guztietako udalerrietara iritsiko da, ingurune seguruagoak eta inklusiboagoak sortzen lagunduz, bereziki jai-testuinguruetan. Informazio-puntu horiek honako Arabako udalerri hauetan jarriko dira:
Errioxa
- Ekainak 23, Laguardia
- Uztailak 20, Mañueta
- Abuztuak 11, Bastida
- Abuztuak 23, Lapuebla de Labarka
- Irailak 11, Samaniego
- Irailak 13, Kripan
Lautada
- Ekainak 24, Agurain
- Uztailak 3, Araia
- Abuztuak 3, Narbaixa
- Abuztuak 25, Erentxun
- Irailak 12, Dulantzi
- Irailak 14, Etura
Mendialdea
- Ekainak 19, Ullibarri-Arana
- Ekainak 19, Maeztu
- Uztailak 4, Kintana
- Uztailak 4, Lagran (La previa)
- Abuztuak 15, Pagoeta
- Abuztuak 22, Lagran
Trebiñu
- Ekainak 23, Trebiñu
Añana
- Ekainak 20, Armiñon
- Uztailak 17, Gaubea
- Uztailak 19, Espejo
- Uztailak 25, Larrinbe
- Uztailak 31, Zanbrana
- Irailak 6, Berantevilla
Aiaraldea
- Ekainak 27, Delika
- Uztailak 25, Larrinbe
- Abuztuak 14, Amurrio
- Abuztuak 26, Okondo
- Abuztuak 28, Lautada
- Irailak 5, Artziniega
Gorbeialdea
- Ekainak 26, Lukiano
- Uztailak 5, Luko
- Uztailak 18, Sarria
- Abuztuak 16, Zaitegi
- Abuztuak 24, Urrunaga-Nafarrate
- Abuztuak 29, Abezia
Arabako Foru Aldundiak ekitaldi instituzionala egin dugu Artium Museoan, Emakumeen Nazioarteko Eguna dela eta. Arabako emakumeen memoria eta ondarea aitortzeko topaketa da.
Ekitaldian Arabako kuadrilletako zazpi emakume eta elkarteri omenaldia egin zaie, emakumeen memoria, kultura eta lana denboran zehar zaintzen eta transmititzen lagundu dutelako. Aintzatespen gisa, #Laia jaso zuten, Arabako Emakumeen Jabekuntzarako eta Berdintasunerako Lurralde Sarearen (LAIA) ikurra.
Ekitaldian solasaldi bat ere izan da, memoria, komunitatea eta emakumeek lurraldearen historian eta gizarte-bizitzan duten paperari buruz.
Topaketei buruzko informazio gehiago
